典型天秤座

開了一個新營地,歡迎大家來逛逛!

http://www.wretch.cc/blog/amylee22 

各位親愛的好友,

我們最親切最偉大的便利店7-11又一強勢貢獻!

 

今日因為黑雨既關係令我冇啦啦多左半日假,原本今日係學校第二日既家長日,亦因為黑雨而除消左!

其實我情願今日見曬d家長佢,而家有d見左,有d未見,半天吊咁!

不過點都好啦~因為咁而令我可能訓晏d我都好滿意!哈...

多左既假期我都冇浪費,我今日成日整電腦黎...

我將部電腦重新格式化,裝過個xp,裝過曬所有野!因為之前中過毒,我總係覺得掃來掃去都係唔夠乾淨,而家舒服曬!

原本我以為這個係一項艱鉅既工作,不過都好順利!只係整完後上唔到網,比佢搞左我大半日,終於都被我解決到啦!

但係就真係整左成日!雖然浪費左d時間,不過而家部腦行得好順暢!我好滿意~要讚下自己叻女!!!哈哈哈

近期去配con時,視光師送左幾對最近大熱的大眼仔con比我!

有黑色,同啡色~就係週末出街時貪得意帶左對黑色~

帶左上眼之後,我第一個反應係勁笑~因為覺得自己個樣好怪!

同有d似蝌蚪~哈哈

不過睇耐左就順眼d啦!下次帶啡色又試下個效果先!

大家想下我個蝌蚪樣就去照片度啦~我upload左啦~

五月好似不是一個很好的月份!

五月頭的遭遇,我被形定為黑色的!

連帶身體的朋友也有一點點被感染了!

五月快過去了~希望白色的六月帶來好運給你們和我吧!

wii伉儷~加油!!!

 

 

話說今日係難得既學校假期,我一早已經計劃好做一d我平日返工做唔到既事!

1.去銀行

2.去辦台証(短期停留果種)

3.陪朋友食lunch

4.配cons

1,2,4都係係金鐘就可以完成,第一件事梗係去左銀行先啦!去完走去配cons點知店員唔得閒同我驗眼,咁我就諗住去左隔離交左份台証form先啦!去到台証果度,嘩~~~勁多人!未試過見咁多人係度,我次次去親都係得十多人左右,咁都要排啦!等左20分鐘排到我啦,點知要上次台証正本,我冇帶!算,返屋企攞,好彩近同我今日早左起身,果時只係12點左右,折返回去,仲多人過頭先!發現唔等得,因為要就朋友放lunch時間,咁食完lunch再黎過呀!咁就去左食lunch啦!我仲去左H&M行左個圈同去攞之前既驗身報告!諗住晏D冇咁多人攞台証!

點知大錯特錯,我再返去既時候係3:15p.m,D人打曬蛇餅好恐怖!!!咁我都要排家,人就排到幾個蛇餅,但職員做野速度就係蟻"冷",排左成30分鐘都係前左2個身位。排都唔緊要啦,突然間個肚勁痛!痛到係想暈個種,好彩排我後面個女仔好人,佢幫我睇住個位,我就去左坐低休息下!坐左一陣冇咁痛就走去繼續排,冇理由要人睇咁耐!但都係一路排一路痛,最終排左2個幾鐘頭到我啦!到我果時係5:30p.m!諗住完啦,點知個職員比張收據我既時間同我講:「你keep好張收據,你申請一年多次簽証唔係人人批,唔批你到時攞返張收據黎退款啦!」我頂!我排左2個幾鐘,你到時唔批我,我黎放火ka!!!